baba bulleh shah بابا بلھے شاہ

 نہ میں مومن وچ مسیتاں​

نہ میں وچ کفر دی ریت آں​

نہ میں پاکاں وچ پلیت آں​

نہ میں موسیٰ نہ فرعون​

​

نہ میں اندر بھید کتاباں​

نہ بھنگاں نہ وچ شراباں​

نہ وچ رنداں مست خرباں​

نہ وچ جاگن وچ سون​

​

نہ وچ شادی نہ غمناکی​

نہ میں وچ پلیتی پاکی​

نہ میں آبی نہ میں خاکی​

نہ میں آتش نہ میں پون​

​

نہ میں عربی نہ لاہوری​

نہ میں ھندی شہر نگوری​

نہ ھندو نہ ترک پشوری​

نہ ميں ریندا وچ چندوَن​

​

نہ میں بھید مذہب دا پایا​

نہ میں آدم حوا جایا​

نہ میں اپنا نام دھرایا​

نہ وچ بیٹھن نہ وچ بھون​

​

اول آخر آپ نوں جاناں​

نہ کوئی دوجا ہور پچھانا​

میتھوں ہور نہ کوئی سیانا​

بلہا اوہ کھڑا اے کون​