دھمی نال دے ٹائم اعلان ھو گئے،سنڑ توں سردار نہ سگئیوں¤

تیرا عارضی پیار آ "درد" دا چن، چل قدم دو چار نہ سگئیوں¤

مخلوق ڈکیندی رھئی میت میری،توں اپڑ سردار نہ سگئیوں¤

تے ھائ سڑک کوئی واہگہ باڈر نہ،جہڑا کر توں پار نہ سگئیوں



مینوں علم تاں ھے توں کائی نئیں سنڑنی بدبخت بیمار دی عرضی،

مینوں مار جو ھوئی انڑ نبھدیاں دی میں تے منت جو کرنی اے فرضی،

میرا ساہ ساہ مدد جناب نوں ترسے ودا بیشک کر لاغرضی،

تیرا درد غلام اے محشر تائیں اگھاں توئیں سردار دی مرضی



ساڈے سامنڑے عید دا ناں نہ لے ساڈے غمیاں اچ نام لکھی گئے

تقدیر دے سخت ولہونڑیاں وچ ساڈے زلفی سجنڑ کھڑی گئے

خوشیاں دی جاہ تے رب دی طرفوں سانوں روونڑ فقط ڈھئی گئے

جہناں نال مناونڑی عید ہاسے او مٹیاں ہیٹھ دبی گئے



ڈَنـگ ڈَھـل وِی وَیـندن بَـندیاں دے ہـک گل تَیـنوں سَمـجھا لَئـیں

کـَدی شـہر تـیرے مَیـنوں رَب لئـــے آوے مـیری غُربـت نـُوں گل لا لئـیں

جــے ٹکر پواؤں تَاں نَال نـہ سـہی تُـوڑے جُتـیاں کُـول بَـہا لَئـیں

مُـڈھـوں مـُکر نـہ جـَاویــں کـونـڑ ابرار اے اللّـہ وَاسطــے بَھـرم بَچـا لَئـیں



رکھیں یاد پہاڑ پہاڑ ہوندن پانی نال نشیب نئیں ہوندے ...

جتھے ہک تھالی وچ کھا لیئے اوتھے سجنڑ فریب نئیں ہوندے ...

دکھ درد زنجیر تاں ہو سگدن کدی اے پازیب نئیں ہوندے ...

پرھاں چھوڑ لڑائیاں رس ونجیئے ضداں نال وسیب نئیں ہوندے



ساڈے سامنڑے عید دا ناں نہ لے ساڈے غمیاں اچ نام لکھی گئے

تقدیر دے سخت ولہونڑیاں وچ ساڈے زلفی سجنڑ کھڑی گئے

خوشیاں دی جاہ تے رب دی طرفوں سانوں روونڑ فقط ڈھئی گئے

جہناں نال مناونڑی عید ہاسے او مٹیاں ہیٹھ دبی گئے