فکر دا سجھ ابھردا ہئے سوچیندیاں شام تھی ویندی​

خیالیں وچ سکون اجکل گولیندیاں شام تھی ویندی​

​

انھاں دے بال ساری رات روندین، بُھک توں سُمدے نئی​

جنھاں دی کہیں دے بالاں کوں کھڈیندیاں شام تھی ویندی​

​

غریباں دی دعا یارب خبر نہیں کن کریندا ہیں​

سدا ہنجوؤاں دی تسبیح کُوں پھریندیاں شام تھی ویندی​

​

کڈھیں تاں دُکھ وی ٹل ویسن کڈھیں تاں سکھ دے ساہ ولسن​

پُلا خالی خیالاں دے پکیندیاں شام تھی ویندی​

​

میڈا رازق رعایت کر نمازاں رات دیاں کردے​

جو روٹی رات دی پوری کریندیاں شام تھی ویندی​

​

میں شاکر بُھک دا ماریا ہاں مگر حاتم تُوں گھٹ کائینی​

قلم خیرات میڈی ہے چلیندیاں شام تھی ویندی


​فکر دا سجھ ابھردا ہئے سوچیندیاں شام تھی ویندی​

خیالیں وچ سکون اجکل گولیندیاں شام تھی ویندی​

​

انھاں دے بال ساری رات روندین، بُھک توں سُمدے نئی​

جنھاں دی کہیں دے بالاں کوں کھڈیندیاں شام تھی ویندی​

​

غریباں دی دعا یارب خبر نہیں کن کریندا ہیں​

سدا ہنجوؤاں دی تسبیح کُوں پھریندیاں شام تھی ویندی​

​

کڈھیں تاں دُکھ وی ٹل ویسن کڈھیں تاں سکھ دے ساہ ولسن​

پُلا خالی خیالاں دے پکیندیاں شام تھی ویندی​

​

میڈا رازق رعایت کر نمازاں رات دیاں کردے​

جو روٹی رات دی پوری کریندیاں شام تھی ویندی​

​

میں شاکر بُھک دا ماریا ہاں مگر حاتم تُوں گھٹ کائینی​

قلم خیرات میڈی ہے چلیندیاں شام تھی ویندی



​

سجن تھی گئے قاصد خفا ہولے ہولے

توں ونج کہیں طرحاں آ منا ہولے ہولے


گیوں کیویں قاصد ولیں کیہڑے حالوں

میرے نیڑے آ بہہ ڈسا ہولے ہولے


تیرا رخ دسیندا اے خبر بھیڑی جا آیا ایں

سُنا تاں سہی‌ پر سُنا ہولے ہولے


زمانہ جو آہدا اے وفا نہ کریسیا

توں کنوں تاں چن دے کڈھا ہولے ہولے


توں آویں نہ آویں دلاسا تاں دے چا

اس دل کوں میں گھنساں رَہا ہولے ہولے


خبر دل کوں ہووے نہ تیرے ونجن دی

کھسک ونج توں ڈھولا ذرا ہولے ہولے


کرو بھج دھرک تے مسلمانو پکڑو

جو منہ کیتی ویندی حیا ہولے ہولے


ہٹک ڈے اس دل کو نہ جا جا تے تلکے

ادب عشق دا کُجھ سکھا ہولے ہولے


اثر ہے دعا دا جو دکھ ٹل گئے شاکر

کرم کیتی آندا اے خدا ہولے ہولے